رشيد شاب مغربي27 سنة بديت خدمة وفعمري 12 سنة فمجموعة من حرف ففلاحة وفنجارة وطولوري… وستقر بيا الحال فمجال تسييج الاراضي الفلاحية ازيد من 12 سنة حيث لقيت فيه راحتي رغم صعوبات لي فيه، كنت دائما كنعتمد على نفسي وكنخدم بكتافي وكنرفض نطلب درهم واحدا من ولدين ديالي بلعكس كنت انا كنعطيهم رغم صغر سني. وقديت نتغلب على بلية ونقطعها بجميع اصناف ديالها باش نحقق حلم ديالي باش نأسس مقاولة متخصصة فمجال حماية ممتلكات ومرافق بالسياج المعديني وبناء وتأمين الاسوار، LassadaM Grillage فعلا كان حلم كبير حطيتو كاهدف بين عيني والحمد الله بتوفيق من الله حطيتو على ارض واقع فسنة 2021 وأصبح حلم حقيقة. وبفريق احترافي يتكون من 6 اشخاص بخبرة عالية فالمجال وبقيم ومبادئ واضحة.